ဤမိသားစု
လခြမ်းဌာနီ ၊ လေးဝတိက
အကျွန်လယ်ထွန် ၊ ဘားဘာမြနင်း
အမင်.ထမင်း ၊ နှာမဟင်းနန့်
ညီကကမ်းသင်း ၊ လယ်ကွင်းဆင်းလို့
ပျော်စရာလေ့ ၊ မိသားစုယေ...။
ဆားငံရီတ၊ လယ်သမားဘဝ
ဝမ်းဇာမရ၊ ယင်းနှစ်ကလေ့
အကြွီးဖောင်းဖောင်း ၊ အိမ်ဟောင်းလောင်းနန့်
အမင်.ဘားဘာ မျက်နှာမသာ
နှာမညီမောင် ၊ လမ်းသစ်ဆောင်လို့
တပြည်ရောက်ခ အကျွန်မောင်နှာမ။
ဘားဘာအနိစ္စ ၊ တမလွန်ရောက်ခ
အမင်.ရခိုင့် ၊ပြည်တွင်းထိုင်လို့
ညီကလုပ်ဆောင် ၊ ထိုင်းမှာယောင်ဗျာလ်
နှာမကြိုးစား ၊အမေရီကန်လား
အကျွန်လူခိုင် ၊ မလေးသျှားပိုင်
ဆုံခွင်းမကြုံ ၊ ဧ့လူဘုံယေ.။
အမင်.မေတ္တာ ၊ ဘားဘာ.အချစ်
နှာမကြည့်ဖြူ ၊ ညီမောင်ယုယ
အကျွန့်ဘဝ၊ ထိုအခါက...
တမ်းတဝေဖြာ ၊ အကျွန်ကမ္ဘာ
ညည့်နတ်လီရ ၊ အခါခါလေ့
သုံးလရာသီ ၊ တဆယ်နှစ်လီ
နှစ်တိလေးပြောင်း ၊ သစ်ရွက်ဟောင်းဗျာလ်
ခရီးဆက်ယင့် ၊ ဧ့မိသားစု။
သာလီစွပါ အားလုံး ဆရာရို့။
ခိုင်မင်း(ဝရာဇ်မြီ) 27/11-2016 post
No comments:
Post a Comment